Магнетното поле на Земјата ќе го зафати најсилната геомагнетска бура што не била забележана во изминатите 6 години. Ќе има проблеми за авионите, електро мрежите и сателитите...

Портпаролот на американскиот центар за предвидување на времето во вселената, Тери Онсиџер рекол дека денес ќе пристигне "Конорарно масовно исфрлување" или голем дел од Сончефата атмосфера ќе биде исфрлен кон магнетното поле на Земјата. Тие сончеви честички ќе се движат со брзина од 2000 километри на секунда или пет пати побрзо од вообичаената брзина на движење на сончевите честички.

"Кога ќе не погоди, таа енергија ќе предизвика осцилации во Земјиното магнетно поле".

Според неговите зборови, оваа енергија може да предизвика штета на радио комуникациите на висока фреквенција, кои ги користат авио компаниите за навигација на Северниот пол на летовите помеѓу Северна Америка, Европа и Азија, па можно е да има промени и на некои рути.

Тери додал дека оваа енергија може да влијае и на работата на електромрежите и сателитите.

Тој истакнал дека астронаутите на Меѓународната вселенска станица ќе бидат советувани да заштитат одредени делови на леталото за да избегнат зголемена доза на соларна радијација.