Американски научници од универзитетот Вандербилт веруваат дека никотинските фластери можат да го поправат помнењето кај личности со рани симптоми на деменција.

Научниците напоменуваат дека нивните наоди никако не треба да се сфатат како повод за почнување со пушење, затоа што пушењето со себе носи многу негативни влијанија врз здравјето.

За потребите на студијата, која е објавена во списанието Neurology, во тек на шест месеци се следени 67 испитаници погодени од благи потешкотии со помнењето.

Според нивните зборови, допринесот на никотинот се заснова на неговото влијание на рецепторите во мозокот чие губење инаку се забележува кај личност со деменција.