Во прославата на Кинеската нова година, која ќе започне денеска (23 јануари), црвената боја е неминовна, како и црвените лампиони - симбол на среќа во куќата и одбрана од лошите духови.

Црвената боја има комплексни значења во кинеската култура, зависно од контекстот во кој се користи. Секогаш носи позитивна порака.

Според гледање кое потекнува уште од праисторијата, црвената боја го елиминира злото и означува поволни прилики. Црвената е бојата на крвта, огнот, но и на сонцето, симболира сила, живот, топлина и слава.

Во Кина постои обичај децата да се даруваат со пари во црвени коверти.

За време на историските епохи, почитувањето на црвената боја не се променило. Во обичаите за славење, црвената боја ја зголемува атмосферата на слава и среќа. Тоа е единствената бојка која дава топлина и светлина во ноќта.

Кинезите на 23 јануари ја дочекуваат 4709 година која ќе трае до 9 февруари 2013, а е во знакот на Змејот.

Кинезите веруваат дека во очи на празникот мораат да ги исчистат сите агли од куќата, вишокот работи треба да се отстранат и да им се понудат на други луѓе, а Новата година треба да се дочека во нови чевли!

И, се разбира, црвената боја доминира насекаде.