Маж од Чикаго, случајно си испукал шајка во черепот. Моментално успешно се опоравува во болницата каде што успешно му ја отстраниле шајката.

Несреќата се случила кога 34 годишниот Данте Аутуло работел во својата гаража. Случајно се удрил со пиштолот за шајки. Но, не знаел дека имал шајка во главата се до следниот ден кога, како што рекол, почнал да чувствува мачина.

На наговор на вереницата, отишол кај доктор во болницата, а таму му кажале дека во неговиот мозок се наоѓа шајка, на само неколку сантиметри од делот на мозокот одговорен за моторика.

Неговата вереница, Гејл Глинзер, раскажа дека тој сега се чувствува добро и дека бил на операција која траела два часа заради вадење на шајката од главата. Откако што ја добиле ренгенската слика, парот одлучил да ја објави на Фејсбук.

„Тој се чувствува добро. Може да ги движи рацете и нозете и да зборува нормално. Се сеќава на се. Тоа е прекрасно, а би можело да се каже и чудо“, рече Гејл и додаде дека ни таа не забележала дека во главата можел да има шајка кога му ја чистела повредата на челото.

Портпаролот на болницата, Мајк Маџо, рекол дека делот од черепот кој е отстранет поради операција е заменет со титан поради загриженост дека стариот дел е контаминиран од шајката.