Американската мрежа CW снима серија според романот „Дневниците на Кери“ од Кендис Бушнел.

Ако ве интересираше што било пред серијата и филмовите „Сексот и градот“, ќе добиете одговор на тоа прашање. „Дневниците на Кери“ ја следат Кери Бредшо во средно училиште, а од „страта“ екипа Њујоркчанки, само Саманта Џоунс се споменува во книгата.

Порано се „шушкаше“ дека оваа книга ќе биде претворена во филм, но американската мрежа CW нарачала пилот епизода од телевизиска серија.

Во книгата, Кери оди во средно училиште во Конектикат, каде ги напушта другарките за да му се посвети на новиот дечко во училиштето. Фановите ќе дознаат повеќе за семејството на Кери, која во серијата „Сексот и градот“ речиси и не се споменува.

Моментално младите актерки во Холивуд се „тепаат“ за улогата на тинејџерката Кери, а наскоро ќе биде соопштено кого мрежата CW избрала за таа улога.