Иако секоја втора жена е незадоволна со својот изглед, на повеќето од нив им е многу поважно сурфањето по интернет, готвењето или домашните работи, отколку занимавање со сопственото тело...
Една неодамнешна студија на француска компанија која промовира производи за губење на тежината, покажа дека 48% од жените не се задоволни со своето тело.
Жените со годините стануваат уште поголеми критичари на смета на својот изглед. Така, меѓу французинките на старост од 18 до 24 години, 42% велат дека го мразат своето тело, додека истото го мислат 58% испитаници на возраст од 50 до 65 години.
Повеќе од 1100 анкетирани жени изјавиле дека "пристојниот" изглед бара огромен напор. Само 30% од испитаниците сметаат дека природно имаат убаво тело.
За повеќето, грижата за сопствениот изглед не им претставува приоритет. Далеку им е поважно сурфањето по интернет (на 94%), готвењето или вршење на домаќински работи (80%), отколку занимавање со сопственото тело (68%).
