За време на едно долго истражување кое започнало во 1948 година, американски научници секоја година анкетирале 1880 испитаници за нивната емоционална состојба, која ја определиле како "незадоволителна", "неутрална" и "задоволителна"...

Особено внимание било посветено на тоа на кој начин промените во емоционалната состојба на човекот биле поврзани со емоциите на луѓето со кои тој се наоѓа во постојан контакт.

Како резултати од анализата на податоците се чини дека среќата и несреќата можат да бидат заразни.

Исто така, луѓето "оздравуваат", односно се враќаат во своја неутрална емоционална состојба побрзо ако порано тоа било "незадоволително".

"Заразата" со среќа продолжува обично околу 10 години, додека од негативна емоционална состојба луѓето се лекуваат за 5 години.

Иако од несреќни влијанија луѓето се ослободуваат побрзо, несреќата се покажува како позаразна отколку среќата.

Ризикот за секој од нас да западне во депресивна состојба се зголемува двојно само по еден контакт со тажен човек. А шансите да се доживее среќа по прв контакт со позитивен човек растат за 11%. Покрај тоа, среќата е многу поспонтано чувство од тагата.