Американката Шерон Смајли (48) добила отказ во фирмата во која работи 10 години, а тоа се должи на многу необична причина...

Шерон посветено работела во фирма во Чикаго која е специјализирана за продажба на недвижен имот, а кога имала проект кој барал повеќе внимание, не ја користела ниту паузата за ручек.

За време на неискористената пауза за ручек, додека била затрупана со документи, еден од менаџерите и рекол дека треба да излезе и да јаде нешто. Шерон одговорила дека ќе го прескокне ручекот бидејќи има многу работа, а веќе утредента е повикана во канцеларијата на надлежниот за човечки ресурси.

Тогаш и било соопштено дека со прескокнување на паузата за ручек го прекршила законот на државата Илиноис, и дека фрла лошо светло на целата компанија. И било кажано да ги собере своите работи до крајот на работното време и да побара друга работа.

Шерон ја тужела компанијата, и судот во Чикаго пресудил во нејзина корист. Сега компанијата ќе мора да и плати отштета.