Пејачката доби свој цртан лик во популарната игра Sims.

Кети Пери (27) потпиша договор со команијата EA Games и ќе стане нова ѕвезда на популарната игра во која корисниците симулираат вистински живот преку своите мали ликови. И самата пејачка е голем фан на оваа игра.

„Ја обожавам Sims, посебно затоа што со своите ликови можете да одредувате различни животни патишта, кариери и забави“, рече Кети, која моментално се разведува од британскиот комичар Расел Бренд.

Компанијата EA соопшти дека Кети ќе биде претставена како посебен лик во играта, како и дека корисниците ќе можат да купат „разновидни содржини поврзани со неа“.

Играта The Sims 3: Showtime во која Кети ќе биде главен лик ќе се појави во март.