Студија спроведена во Норвешка сугерира дека грицкањето меѓу оброците не влијае на зголемувањето на телесната маса, освен во случај вишокот внесени калории да не ги потрошиме.

Порталот „Гастро“ наведува дека исто така не е докажана поврзаноста на грицкањето и јадењето обилни оброци.

Истражувањето е спроведено на примерок од 58 жени на возраст од 19 до 41 година, а истражувачите биле заинтересирани за навиките на грицкање во поминатите 28 дена, при што јасно требало да се раздвојат поимите грицкање, меѓуоброк и оброк.

Најголем процент жени, 40%, пријавиле дека грицкаат шест до дванаесет дена во испитниот временски период од 28 дена.

Грицкањето во оваа истражување е дефинирано како непланирано или повторено јадење меѓу оброците и меѓуоброците при кое личностите можат да го контролираат земањето на храна. Во случај тоа да не можат да го направат, би се работело за пореметување во предјадењето - компулсивно јадење.

Без оглед на овие резултати, треба да се предупреди дека непланираното јадење не е добра идеја и може да води кон вишок калории, а ако внесеме повеќе отколку што ќе потрошиме, постои можност од дебелеење, посебно во случајот на земање грицки богати со калории, а сиромашни со хранливи материи.