Средно училиште во Мек Кинеј во Тексас одлучло да ги отстрани вратите во тоалетот за да ги спречи учениците да имаат секс во училиштето и со тоа предизвика бура реакции од страна на родителите и самите ученици.

Средното училиште Мек Кинеј Норт објаснило дека отстранувањето на вратата во тоалетите е дел од превентивните мерки кои на учениците им гарантираат сигурност. Но, гласините кои кружат меѓу учениците тврдат дека вратите ќе се отстранат поради недозволено сексуално однесување.

Една ученичка раскажа дека сведочела на недозволено однесување во просториите на тоалетот. „Влегов внатре и видов девојки и момчиња“, тврди таа. Нејзината соученичка раскажа дека слушнала дека причината поради која се отстрануваат вратите е млад пар кој е фатен во тоалетот за време на сексуален чин.

Но, портпаролот на училиштето, Коди Канингхем вели дека споменатите мерки ги преземаат поради безбедност на учениците и поради известувања за честите тепачки во училиштето.

Родителите се вознемирени затоа што сметаат дека со оваа мерка се загрозува приватноста на нивните деца. Но, портпаролот Канингхем објаснил дека училиштето во последните 50 години презело веќе многу мерки со цел за заштита на безбедноста.

Тоалетите, порачуваат од управата на училиштето, дозволуваат приватност затоа што во нив од ходникот не може да се види апсолутно ништо. Тексас е држава во која постојано расте бројот на тинејџерски бремености, во која од 1000 дури 88 се малолетнички бремености, на девојки на возраст од 15 до 19 години.