Организирањето на журки, посебно во зградите, отсекогаш било проблематично. Токму затоа главниот град на Франција се претвара во светски центар за неми журки. Сите гости имаат слушалки на ушите, а буката која се прави е прифатлива.

Екипата на Detsche Welle посети една таква журка. Веќе имало поминато полноќ, а собата била преполна со парижани кои скокале во ритамот на музиката. Меѓу нив била и Жастин Даво: „Мислам дека тоа е супер! Атмосферата е поразлична, чудна и можете да направите журка било каде. Цело лето бев на вакви ‘неми’ журки ширум Париз. Журката во паркот беше одлична... или покрај реката или под Ајфеловата кула... дури и дома.“

Создадени во Амстердам, развиени во Лондон, ‘немите’ диско клубови својот дом го нашле во Париз, градот во кој полицијата по 22 часот му воведува полициски час без врева.

Бертран Ригидел од компанијата Silent Events вели дека организираат приватни журки секој викенд. „Ако сакате да организирате роденденска журка, ние доаѓаме кај вас и ги обезбедуваме сите потребни слушалки. И тоа чини 5 евра од слушалки. Плус, ако сакате можеме да обезбедиме и диск-џокеј, еден, два, три. Многу едноставно!“

На парижани не им требало многу за креативно да го применат изумот. На средината на булеварот кој минува низ паришкиот квартал на црвените фенери, Пигал, група со слушалки на ушите го следеше настапот на пејачката Жидре на вториот кат. Тоа бил нејзин втор настап, а првиот бил во клубот Les Parisiennes.

„Всушност настапував во женски тоалет. На бината поставија ТВ, а мене ме снимаа, така што изгледаше како директен пренос. Беше забавно.“

За Жидре тоа е начин во светот кој се помалку е толерантен кон буката да се изборите за вашето право на журкање. Тоа е пристојна непослушност.