Џвакањето гуми за џвакање допринесува краткотрајно подобрување на интелектуалните способности, покажаа резултатите од истражувањето на група научници од универзитетот Сент Лоренс во Њујорк.

Истражувањето, спроведено на 224 студенти, покажало дека дури и џвакање гума за џвакање пет минути пред испити делува позитивно за постигнување на подобри резултати.

Се работи за тоа што додатниот прилив на крв предизвикан од напорот при жвакање може да го поттикне функционирањето на мозокот, пред се помнењето.

Меѓутоа, како што наведуваат научниците, дејството на џвакањето трае од 15 до 20 минути, не повеќе, затоа што по тоа заморот кој го предизвикува го поништува неговото позитивно дејство.