"Не допирај го тој сладолед, ќе се поправиш", би можел да ви каже најновиот LG фрижидер ако посегнете по омилениот сладолед...

Компанијата LG направила фрижидер кој ќе може да ни каже што можеме да јадеме, а што не, пишува Daily Mail.

Фрижидерот "Smart ThinQ", кој ќе се појави на британскиот пазар оваа година по цена од 2000 фунти, е вистински нутриционист-диететичар.

Сопственикот на тој фрижидер треба само да го внесе индексот на својата телесна тежина и желбите во однос на губењето на тежината. Со користење на технологија за вокално и "фејс" препознавање, фрижидерот ги анализира добиените податоци и сугерира рецепти, но и го предупредува сопственикот ако посегне по многу калоричен производ.

Секој производ се скенира пред да се внесе во фрижидерот, така да уредот може да прати СМС порака кога на производот ќе му истече рокот на траење.