Mинијатурниот јоркширски териер Луси, кој тежи само два килограми и двесте грама, се запиша во Гинисовата книга на рекорди - и тоа со својата работа...

Луси која е од Њу Џерси е најмалото куче во светот кое "работи".

Луси за оваа престижна титула ја победила чивавата од Јапонија, која работи како полициски трагач.

Работата на луси не е опасна но е подеднакво важна, таа е "вработена" како терапевтско куче во програмата "Поводник полн со љубов".

Луси е многу ангажирана и нејзиниот ден е исполнет и до последниот час. Таа секоја недела посетува болници, старечки домови и центри за рехабилитација за да им помогне на оние на кои им е потребна помош. Луси е вклучена и во програмите за помош на деца со инвалитет, како и во работа со проблематична младина.

"Бидејќи е мала и слатка, таа автоматски ги привлекува луѓето и им се допаѓа. Апсолутно е прекрасна и не е ниту чудо што ја обожаваат", рекла сопственичката на Луси, Сели Лион Монтуфар, пренесува "Huffington Post".