Луѓето ги лажат блиските пријатели и колегите од работа преку социјалните мрежи, е-мајл и SMS пораки во просек 28 пати месечно, покажа најновото истражување на британската компанија Insurance Group кое е спроведено на 2.000 луѓе.

Поради модерната технологија полесно се одлучуваме за лага, додека очи во очи лажеме 17 пати месечно, што значи дека лаги изговараме околу 45 пати месечно, односно лажеме само шест пати дневно, се наведува во истражувањето на оваа компанија.

Недостатокот на контакт очи во очи ги охрабрува луѓето да лажат, истакна директорот на компанијата која го спровела истражувњето, Алан Сандерсон. Мажите почесто лажат отколку жените, па така преку интернет месечно лажат 31 пат, а жените 24 пати.

„Додека луѓето лажат некого гледајќи го во очи се јавува таканаречениот ефект на мотивационо намалување, односно вашето тело ќе покаже дека не ја зборувате вистината, за разлика од интернетот каде што сте сигурни дека тоа нема да се види“, објасни психологот Мајкл Вудворт.