Индиската компанија "Bajaj Auto", најголемиот светски произведувач на автомобили со три тркала, го претстави својот прв автомобил со четири тркала, конкурент на "tata nano", кој сега важи за најефтиниот автомобил во светот...

Компактниот автомобил за четири личности е презентиран на саемот на автомобили во Њу Делхи. Новитетот наречен Bajaj Re 60 има маса од 400 килограми, а го покренува бензински мотор од 200 кубни сантиметри и 20 коњски сили.

Според податоците на производителот, автомобилот достигнува максимална брзина од 70 километри на час, со потрошувачка од околу 2.8 литри на 100 километри, додека емисијата на јаглерод диоксид изнесува 60 грама на километар.

За споредба, конкурентот "tata nano" има 624 кубика зафатнина, моќ од 38 коњски сили и максимална брзина од 105 километри на час.

"Nano" во Индија чини во просек по 3000 долари. Цената на "bajaj RE60" не е објавена но според планираните податоци ќе чини околу 2.200 долари.