Љубителите на виски веќе нема да мораат да го истураат во посебно дизајнирани шишиња кога ќе посакаат жестокиот пијалок да го изнесат и надвор од куќата, ресторанот или кафулето...

Скапоценото шкотско виски од фебруари ќе се продава и во лименки.

Продажбата на виски во лименки ќе започне најпрво во Америка, а произведувачот вели дека на тоа се одлучил поради полесниот и поефтиниот транспорт.

"Ако можат и другите пијалоци да се пакуваат во лименки, зошто да не и вискито. Така љубителите на овој пијалок ќе можат да го пијат покрај базен, додека печат скара... Полесно е да се спакуваат пакет лименки, отколку стаклени шишиња", рекол потпретседателот Кен Рубенфилд на шкотската компанија Spirits Imports.

Една лименка виски ќе чини 5 долари.