Црква целосно направена од снег и лед отворена е на скијалиштето Митерфирмијансреут во Баварија.

26 метри долга црква, со кула од 19 метри и два влеза направена е на ридот над селото. Во текот на ноќта е осветлена со сино светло.

Овој проект обележува 100 години од изградбата на друга црква. Имено, во 1911 година жителите на Митерфирмијансреут ја изградиле првата црква од снег и лед.

„Тоа беше еден чин на провокација. Верниците од селото се собраа и изградија снежна црква затоа што воопшто немале црква“, реке Кајетан Стеинбејсер, свештеник кој ја благослови модерната верзија.

Неколку стотина жители на Митерфирмијансреут и многубројни туристи сведочеле на церемонијата на отварање на црквата. Во следните неколку месеци оваа градба ќе биде користена за миси и културни настани, но и за привлекување на туристи.