Еден млад австралијанец ја добил главната премија на лото во ист ден со неговиот татко.

Како што пренесуваат австралијските медиуми, таткото и синот заедно освоиле 195.000 долари заокружувајќи ги на ливчето датумите на раѓање на членовите на семејството.

„Штом дознав дека добив на лото, се сетив дека и мојот татко секогаш ги игра на истите броеви. Кога му се јавив тој се уште не знаеше дека добил. Му ја соопштив убавата вест точно на Божиќ“, рече среќниот добитник.

На прашањето што ќе прави со парите, младичот рекол дека дел ќе потроши на својата венчавка која ќе биде во јануари и на свадбено патување.

„Не планиравме да одиме на меден месец затоа што тогаш немавме пари, но сега се се промени и ќе се почастиме со убаво патување“, рече тој.