И тоа и тоа! Жестока навивачка на Манчестер Сити си сошила венчаница од дресовите на омилениот клуб.

Венчавката е еден од најважните и најстресните денови во вашиот живот. Доколку сте невеста, тој притисок е уште поголем - треба да размислувате за местото на венчавката, бидермаерот, фризурата и венчаницата, но не и ако се викате Карен Бел.

Невестата од Велика Британија уште од „првиот ден“ знаела во каква венчаница сака да се омажи. Нејзе не ја интересирале материјалите, и модели на фустани како „сирена“ или „пепелашка“, неа само ја интересирало дали нејзината и колекцијата на нејзиниот вереник од дресови на Манчестер Сити ќе бидат доволни за да се сошие венчаница.

Карен од својот вереник, сега сопруг, Сајмон, ги зела сите дресови на Манчестер Сити и седнала зад машината за шиење. По шест недели шиење, Карен ја имала венчаницата од соништата - фустан со мотиви од омилениот клуб.

По „навивачкото венчавање“ и прием, младоженецот и невестата не се упатиле дома, туку на натпреар. Најдобар подарок за венчавката била победата на Манчестер Сити против Стоук - 3:0.