Со сите реклами и билборди од кои ви се смешкаат среќни парови кои со воодушевување ги отвараат подароците, се шетаат по снегот или се бакнуваат покрај елката, ако не сте во врска овие денови лесно можете да се почувствувате како „црна овца“...

Сепак, не би требало да се чувствувате осамено само затоа што моментално не сте во врска.

Размислете за сите луѓе кои ги сакате и кои ве сакаат. Потсетете се колку пати оваа година бевте среќни и се смеевте со пријателите и семејствотот. Колку пати сте му помогнале на некој кој ви значи и колку пати сте имале пред кој да се исплачете кога ви било тешко.

Сето тоа обично го земаме здраво за готово, но ако подобро размислите, покрај сите оние на кои сте им една од најважните личности во животот, тоа што моментално не сте во врска е сосема неважно.

Сезоната на празници е вистинско време да се присетите на се што ве прави среќни, а тоа е и добар начин да ја започнете годината.

Фокусирајте се на „големи работи“ како што се семејството и пријателите, здравјто, но и оние секојдневните - шолја омилено кафе или добра книга. Погледнете околу себе, сигурно има многу работи што ќе ви измамат насмевка на лицето.

Покрај другото, со честитки и бакнежи, можеби со новата година ќе стигне и нова љубов...