Еден турски имам го обвини Дедо Мраз дека не е чесен, затоа што влегува преку оџакот, наместо да влезе преку вратата.

Турција, 99% муслиманска земја, не го слави Божиќ и Исламските достоинственици редновно ги повикуваат верниците да не потклекнуваат под христијанските обичаи.

„Дедо Мраз влегува низ прозорци и оџаци. Да е чесен, би влегол низ вратата, кај нас така одат работите“, рече Сулејман Јеничери, имам во Кесан, градот во северозападна Турција.

Според легендата, Дедо Мраз е инспириран од свети Никола, заштитник на децата. Имам Јеничери рече дека Куранот ги повикува верниците да влезат во куќата „низ вратата“ и ги потсети муслиманите дека „Божиќ не е нивен празник“ посебно повикувајќи ги да не пијат алкохол.