Зошто ни се допаѓа музиката? Ова е прашањето кое го постави италијанската новинарка Силвија Бенчивели додека слушала детски хор, како пеат божиќни песни. Во својата книга таа се обидува да одговори на прашањето...

Таа бара објаснување надвор од нашиот вид, се потсетува на хармоничните песни на многу птици, пишува дека мајмуните разликуваат октави. Други експерименти покажуваат дека Вивалди ги смирува животните, додека на пример металската музика ги разлудува.

Во поглед на музиката, Бенчивели потсетува дека според Дарвин, нашите предци ја користеле музиката за додворување на жените, но тоа не е потврдено. Некои истражувачи велат дека музиката ни се допаѓа уште од раѓањето кога нашите мајки ни пееле за да не смират.

До ден денес најстариот доказ за музикалност е изработен од коскена флејта, пронајдена во планините на Швабија, стара 37.000 години. Во овој период неандерталците живееле во Европа со претставниците на хомо сапиенс. Но, за да се направи музика, не се потребни алатки, туку чукањето со дланките, тропањето со нозе, или тропањето со две прачки можат да создадат ритам кој ќе биде запаметен.

Со други зборови, потеклото на музиката може да е многу античко. Фактот дека некој ритам е привлечен може да му претходи и на говорот. Или, како што смета Дарвин, да го олесни половиот избор, или пак можеби социјалната кохезија во групите. Науката докажала исто така, дека нотите се носители на емоциите, а тоа се повторува во сите култури и во различни форми.

На крај Бенчивели признава, дека причината поради која музиката ни доставува одредено задоволство, се уште е мистерија која треба да биде откриена.