Во филмот „2012“, 21 декември е денот кога му доаѓа крајот на светот - земјата се отвара, се рушат планини, има поплави, одрони и цунамија кои носат се пред себе. Во филмот, кинезите на Тибет, ги прават арките на Ное, за кои само политичарите и многу богатите луѓе можат да си купат карти, но во реалноста не е така.

Иако остана уште цела година до денот за кој Маите прорекле дека ќе биде крајот на светот, луѓето како луди купуваат карти за „бег од Земјата“.

На кинеската интернет страница за онлајн купување, taobao.com картите за кои инаку би платиле милјарди евра, чинат помалку од половина долар. Токму затоа, таа карта стана еден од најпопуларните новогодишни подароци. Веќе ја купиле повеќе од милион луѓе.

За да изгледаат колку што е пореално, на картите „патниците“ можат да го напишат своето име и презиме, националноста, идентификациониот број и останати лични информации. На картите исто така се назначени броевите на седиштата и кабините и серискиот број на картата.