За една австралијанка, овогодишниот Божиќ ќе биде незаборавен настан! По полноќ, 25 декември, на Божиќ, родила девојче речиси под елката.

Младата мајка, која живее во Тасманија, ги пакувала подароците кога ги почувствувала породилните болки. Брзата помош набргу стигнала, но бидејќи бебето веќе тргнало да излегува, лекарите одлучиле жената да ја породат на лице место.

Неколку минути по полноќ, додека Дедо Мраз наголемо делел подароци по куќите, под божиќната елка бебе дошло на свет.

„Да учествуваме на раѓање во 00:06 часот на Божиќ е многу посебен настан за нас“, рече претставник од брзата служба.

Породувањето поминало без проблеми, а мајката и нејзиното бебе се чувствуваат одлично.