Клучот кон посреќен живот без стрес е да се спие од левата страна на креветот, пишува весникот "Дејли експрес", повикувајќи се на резултатите од анкетата направена во Велика Британија по нарачка на хотелскиот синџир "Premier Inn"...

Авторите на студијата утврдиле дека луѓето кои спијат од левата страна на креветот се поенергични и позитивни. Една четвртина од нив велат дека животот им се чини прекрасен, во споредба со едвај 18% кои спиеле на десната страна.

Луѓето кои спијат од левата страна на креветот, освен тоа дека се справуваат подобро со оптоварувањето и стресот, тие се посреќни и во својата работа, иако заработуваат помалку и се помирни во кризни моменти со партнерите. За разлика од нив луѓето кои спијат на десната страна често наутро се будат во лошо расположение. Десет проценти од нив велат дека ја мразат работата.

Три четвртини од анкетираните признаваат дека толку се навикнати да спијат на одреден начин, што им се чини чудно да го променат, а ако сепак тоа се случи, тоа се одразува негативно на нивното расположение.