Еден британец оваа, а и наредната Нова година ќе ја дочека во затвор затоа што во својот дом наместо елка, накитил стебло канабис.

Полицајците кои учествувале во претресот на куќата на Иан Ричардс (46) во Кент поради дојава за одгледување на марихуана, биле изненадени кога во дневната соба наместо елка виделе стебло марихуана украсена со новогодишен накит.

„Иан билката висока околу метар и половина ја накитил со лампиони и ни рече дека не гледа во што е проблемот затоа што тоа е ‘неговата елка’. Меѓутоа, во спалната соба пронајдовме цел засад ненакитени билки“, рече портпалорот на полицијата, Дерен Денет.

Иан е обвинет за одгледување канабис и во затвор ќе ги помине следните 18 месеци, а неговата „марихуана елка“ полицијата ќе ја запали.