Истражувањата покажуваат дека покрај големиот пораст на користење на социјалните мрежи, тие сепак нема најмногу да се користат за честитање на празниците.

Една од најголемите телекомуникациски компании, спровела истражување кое покажало дека само 26% британци ќе ги користат социјалните мрежи, како Фејсбук или Твитер, за честитање на празниците. 62% од нив сепак со мобилен ќе им се јават на најблиските, а 55% ќе пратат порака.

Се проценува дека само во Велика Британија на Божиќ ќе бидат пратени 97 милиони SMS пораки, 15 милиони повеќе отколку минатата година.

Но, бројките не застануваат овде. Се очекува на Божиќ, во Велика Британија да бидат разменети повеќе од 750.000 „празнични“ фотографии и дека ќе се разменат повеќе од 33 милиони повици.

Истражувањето, кое го објави Telegraph, открива и кои се трите главни теми за разговор на самиот Божиќ. Тоа се: разменувањето честитки, разговорот за подароци и плановите околу Нова година.