Кубанскиот претседател Раул Кастро најверојатно утре ќе ја укине забраната за патување која речиси 50 години ги спречува повеќето Кубанци да патуваат во странство...

"Куба ги нормализира своите односи со Кубанците кои ја напуштиле земјата и тоа вклучува укинување на сите ограничувања", рече аналитичарот Хесус Арболеја, по повод најавата на Кастро за време на говорот во петокот во националното собрание кога ја соопшти одлуката за укинување на забраната за патување.

За законски да отпатуваат во странство, Кубанците треба да добијат скапа дозвола да ја напуштат земјата и патна исправа. Но имајќи го во предвид фактот дека просечната плата во Куба е 20 долари.

Дозволата за излезе, која се издава за 30 дена, ќе може да биде обновена 10 пати, а исто така апликацијата за нејзино добивање може да биде и одбиена. Кубанците кои остануваат во странство, по истекот на важењето на дозволата, ќе бидат прогласени како "дезертери".

Кубанскиот закон, исто така познава и категорија на "постојани имигранти" на кои им се забранува враќањето во земјата, а имотот им се запленува веднаш по напуштањето на државата.