Холандски водители ја шокирале јавноста со најавата дека во емисијата ќе јадат месо еден од друг...

Телевизиските ѕвезди Денис Сторм и Валерио Зено најавиле дека во емисијата "Proefkonijnen" ќе изедат по едно парче месо еден од друг.

Водителите направиле хируршки зафат за отстранување по едно парче месо од своите тела долги околу 2 сантиметри. Еден "одбрал" да му сечат месо од задникот а друг од стомакот.

Тие потоа повикале еден ТВ кувар за тие парчиња да ги испржи во зејтин. Најавата во емисијата предизвикала шок во јавноста, иако во трејлерот не се гледа дали јадат човечко месо.

"Емисијата е замислена да одговори на чудни прашања, како на пример прашањето - Дали можете да се избричите со кечап наместо со пена. Си исековме мали парчиња месо од нашите тела, а сега имаме 'кул' приказна ако некој не праша од каде ни се лузните", рекол Сторм.

Бизарната епизода од емисијата би требало да биде емитувана во среда на еден холандски канал.