Додека тие двајца го завршувале крадењето, некој им провалил во автомобилот.

Корин Ванаутен (47) и Елдон Александер (36) од Огден, Јути се обиделе од супермаркетот да изнесат шминка, батерии и чоколадца. Кога обезбедувањето ги издвоило како сомнителни, задржани се на разговор во просториите на менаџерот на продавницата.

Обезбедувањето повикало полиција која на Ванаутен и Александер им напишала пријава поради обид за кражба, а кога тие потиштени тргнале кон автомобилот имале што да видат.

Додека „работеле“ во супермаркетот, некој им провалил во автомобилот и заминал со него. За иронијата да биде поголема, кражбата на автомобилот ја пријавиле на истиот полицаец кој ги „карал“ десет минути пред тоа.