Просечен корисник на Фејсбук има 130 пријатели. Дознајте кои се причините зошто додаваме или пак бришеме некои од нив од листата на пријатели.

Навредливите коментари под фотографиите или статусот, површните познанства или обид нешто да им се продаде - се трите главни причини зошто младите ги бришат пријателите од Фејсбук.

Од друга страна, младите за пријатели, во 82% од случаите ги прифаќаат најчесто личностите кои ги познаваат и во „вистинскиот живот“. Втора најчеста причина, во 60% од случаите, е фактот дека со некој имаме многу заеднички пријатели. Потоа следат колегите од работа.

Социјалните мрежи најчесто се користат, во повеќе од 70% од случаите, за семејни контакти, одржување пријателства и запознавање нови луѓе. Потоа за забава, информации за настани или попусти и за одржување на бизнис контакти.

Истражувањето опфатило 1.865 млади, постари од 18 години кои ја користат таа социјална мрежа.