Тригодишно момче од Велика Британије не слави Божиќ. Не може да ужива во благодетите на тој празник, затоа што му се заканува фатална алергиска реакција од која може дури и да умре...

Чарли Смит не може да ужива во чоколада, пити, колачиња, торти па дури ни во вистинско или вештачко божиќно дрвце, затоа што се од наведеното може да предизвика алергиска реакција која може да го убие.

Несреќното мало дете не смее дури ни да допре пријател кој изел зрно кикиритка, а сето тоа поради астмата од која боледува и бројните други алергии. Кога неколку од нив би се активирале одеднаш, тоа засигурно би било фатално за малиот, па неговите родители ги избегнуваат Божиќните празници повеќе отколку било кој друг период од годината.

„Мораме да бидеме внимателни и да внимаваме на него цела година, а најмногу сега“, истакна неговата мајка, Џо Смит. „Ова ќе ни биде најтешкиот Божиќ до сега. Не смееме да имаме ништо што има трагови од ореови плодови во себе, вклучувајќи и Божиќна торта и други празнични слатки“, изјави мајката на момчето.

За Чарли проблемите почнале додека имал само 18 месеци. Таткото го држел во рацете и јадел кикиритки, од што тој цел се надул и почнал да се чеша до крв. „Беше страшно. Веќе воопшто не размислуваме за кикиритки“, додаде Џо. Лекарите откриле дека малиот е исклучително алергичен на кикиритки.

Исто така, Чарли страда и од силен облик на егзема, односно србење на кожата, кое се јавува во облик на алергиска реакција на прашина. Се надеваме дека Божиќ сепак ќе му помине радносно и без никакви компликации.