Темелните британски полицајци успеале да најдат крадец на елка, така што го следеле трагот од борови иглички и стигнале до куќата на крадецот...

Сопственикот на расадник, Џон Дакар, во полицијата пријавил кражба на елки сите со метални дршки, а исчезнале и неколку борови украсени со вештачки снег и уште некои божиќни уркаси кои ги подготвил за продажба.

„Полицијата брзо стигнала и веднаш забележале трагa од борови иглички. Тргнавме заедно во потера и само лупа ни фалеше, па да бидеме како вистински детективи“, изјавил Џон.

„Патот на игличките“ ги водел до една куќа во која полицијата покрај украдените елки, пронашла и засад со марихуана. Сопственикот на имотот, стар само 17 години, уапсен е и против него е крената тужба за кражба на елка и одгледување марихуана.