Жителите на шпанското село Хузкар, во кое е снимен еден дел од филмот "Штрумфови" на референдум ќе одлучуваат дали селото ќе остане офарбано во сино...

Селото пред половина година е обоено во сино и со тоа и официјално станало првото "село на Штрумфовите", а компанијата Sony ветила дека по завршувањето на работата, куќите ќе бидат повторно обоени во бело.

Меѓутоа, 250 жители сега размислуваат да ја задржат сината боја, бидејќи селото по снимањето станало голема туристичка атракција, а до сега угостиле повеќе од 80 илјади посетители.

Претседателот на месната заедница, Дејвид Фернандес Тирадо, кој го добил и прекарот "Големиот Штрумф", вели дека здржувањето на сината боја на куќите ќе обезбеди повеќе бенефиции.

"Ова е огромен поттик за локалната економија. Благодарение на тоа што куќите ни се офарбани во сино, познати сме ширум светот", изјавил "Големиот Штрумф".

Резултатите од референдумот ќе бидат дадени на крајот од следната недела, но веќе е сигурно дека селото ќе го задржи сегашниот изглед.