Чесите одлучиле изреката „Пивото е течното злато на Чешка“ да ја претворат во реалност, па произвеле пиво кое не само што има „вкус на злато“, туку во него навистина се наоѓа благородниот метал од 24 карати.

Творецот на оваа необично пиво, Марек Пјетоњ, вели дека го прави така што во секое шише од 0,7 литри става и тенка плочка од 24 каратно злато, а при полнењето на шишето со пиво, плочката се распаѓа на лушпи.

Првата серија од 60 шишиња пиво со „вкус на злато“ тој ја рекламира како „Ин пиво за апсолутно мал број на луѓе“.

Пивото го нарекол „Фауст“ затоа што асоцира на алхемичари, а тоа име ги содржи и буквите Au, хемиска ознака за златото.