Една новозеландска црква ја шокирала јавноста со својата честитка за Божиќ - билборд на кој загрижената Дева Марија во раката држи тест за бременост.

Црквата Свети Матеј од Оукланд се одлучила на ваква честитка затоа што оние „стандардните“ им се премногу „еднолични и не носат вистинска порака“.

„Тоа е реалност. Овде се работи за вистинска мајка, вистинска бременост и вистинско дете. Марија била немажена, млада жена и откритието дека е бремена сигурно било шокантно како и за повеќето жени кои на основа на тест откриваат дека се бремени“, вели Виктор Глин Церди, еден од свештениците на оваа црква.

Тој вели дека целта не им е омаловажување, туку луѓето да ги поттикне на размислување за своите постапки и да им се приближат на библиските јунаци.

Ова не е прв пат со провокативни билборди да им го честитаат еден од најголемите христијански празници. Нивниот билборд на кој Марија и Јосиф се во кревет со натпис: „Кутриот, Јосиф. Бог е тежок за следење“, предизвика бурни реакции во 2009 година.