Млад британец-заводник поплавил луксузна куќа на француската ривиера во која провалил во отсуство на сопствениците за да заведе една туристка.

Како што пренесува BBC, 31 годишниот маж провалил во вила во близина на Нице, во која планирал да ја доведе девојката на која и се додворувал.

Се обидел да направи романтична атмосфера со шампањско, свеќи и ружи расфрлани по креветот, но предизвикал вистинска катастрофа кога дошол на идеја да го наполни базенот на кровот на вилата.

Ги пуштил славините и тргнал во Нице по девојката која дошла на состанокот со три часа задоцнување, одбивајќи да дојде со него во вилата.

Кога конечно се вратил, младичот се нашол лице во лице со сопственикот на куќата, италијански бизнисмен, кој изненадно се вратил од работен пат за на свој ужас да открие дека во приземјето водата пораснала до колена, уништувајќи бројни уметнички дела.

Вкупната штета е проценета на 60.000 евра.