Возач на автомобил, кој го оставил својот автомобил во јавна подземна гаража во центарот на Луксембург и веќе пет години не доаѓа по него, мора да плати 50 илјади евра, рекол директорот на гаражата...

"Ако сака да го земе автомобилот ќе мора да плати паркирање за 5 години. Цената за еден ден изнесува 26.90 евра", рекол директорот на белгиската агенција Белга.

"Единствено што знаеме е дека неговиот автомобил е овде веќе пет години, бидејќи секој ден ги пишуваме таблиците на сите автомобили кои остануваат на паркилиштето", додал тој.

Управата на гаражата, не помислува да повика полиција бидејќи автомобилот е прописно паркиран и сопственикот може да дојде по него штом ја плати сметката. "Неговиот автомобил воопшто не ни смета", истакнале од управата.