Списанието „Форбс“ го прогласи филмот „Умри машки“ за најдобар божиќен филм на сите времиња.

Американското списание „Форбс“ состави листа на најдобри божиќни филмови на сите времиња. Иако многумина би очекувале на првото место на оваа листа да се најде „Божиќна приказна“, за омилен божиќен филм прогласен е „класичен филм со пукање“.

„Умри машки“ со Брус Вилис кој спасува киднапирани на Бадник го зазеде првото место на листата на филмови од сите жанрови кои ги поврзува оваа тематика.

Второто место го зазеде филмот „Бразил“ од 1985 година, третото анимираното остварување „Кошмар пред Божиќ“, додека на четврто место се најде божиќната комедија на Стивен Спилберг „1941“.

„Божиќна приказна“ се наоѓа на петто место, а на шесто е „Жената на бискупот“, на седмо „Елф“, додека последните три места на листата на десет најдобри ги заземаат „Гремлини“, „Чудо на 34 улица“ и „Божиќна песна“, филмска адаптација на делото на Чарлс Дикенс, снимена во 1951 година.