Бројот на жители на Европската унија кои никогаш не користеле интернет се намалил на 24%, покажаа резултатите од најновото истражување на статистичката служба на Европската унија - Евросат.

Според претходната анкета на Евростат, од 2006 година, таков одговор дале дури 42% од личностите на возраст меѓу 16 и 74 години.

Најголем процент на оние кои никогаш не користеле интернет во 2011 забележан е во Романија (54%), Бугарија (46%) и Грција (45%), како и Кипар и Португалија (41%).

Спротивно на тоа, само 5% швеѓани и 7% даници и холанѓани никогаш немаат користено интернет.

Анкетата е спроведена во првото тромесечие на 2011 година, во 27 земји на ЕУ.