Шефот на Ферари, Лука ди Монтецемоло го претставил првиот приватен воз со големи брзини во близина на Наполи, со кој неговата компанија NTV планира да го превземе државниот монопол во тој сектор наредната година...

"Конечно тоа ќе биде период на конкуренцијата, време на избор за патниците, за граѓаните", рекол Ди Монтецемоло, претставувајќи го новиот воз во вторникот пред околу 1000 вработени во француската компанија "Alsto" која го произведува.

Возот е наречен "Italo" и е дел од најновата генерација на високо-брзински железнички возови и претставува "најмодерниот воз во Европа", опремен со мало кино и интернет врска.

Возот се движи со брзина од 360 километри на час, има панорамски прозорци и седишта кои потсетуваат на класичните француски Те-Же-Ве возови.

Компанијата NTV порачила 20 возови "Italo" за вкупно 1.5 милијарди евра, вклучувајќи и триесетгодишно одржување. Новиот воз сеуште не добил формална дозвола од државата, но претставниците на компанијата велат дека тоа ќе биде се случи многу брзо.

Возот дневно ќе остварува 51 врска и ќе поминува повеќе од 12.3 милиони километри годишно. Претставниците на компанијата велат дека ќе се пушти во употреба во март 2012 година. Тој ќе поврзува 7 италијански градови - Болоња, Фиренца, Милано, Неапол, Рим, Палермо, Салерно и Торино.