Разгалена британска тинејџерка му напишала смртна закана на Дедо Мраз...
Родителите на Мекида Остин (13) од Бредфорд сметале да ја искористат шансата додека нивната миленичка не порасне, па ја замолиле да напише "традиционално" писмо на Дедо Мраз, да каже дека била добра девојка оваа година и да наведе кои подароци сака да ги пронајде под елката.
Девојчето навела дека сака нов "Blackberry", "Конверс" патики, очила за сонце, облека и пари. Исто така, Дедо Мраз мора да и обезбеди запознавање со тинејџерските сензации Џастин Бибер и Остин Махон.
Но, она што ја шокира нејзината мајка Трејси била пропратната порака до Дедо Мраз.
"Ако не добијам најмалку две од овие работи, ќе те убијам, а твоите глупави ирваси ќе ги зготвам и ќе ги дадам на бездомниците", напишала Мекида.
"Мекида има само 13 години, но е многу тврдоглава и своеглава. Подобро да почнеме да ги подготвуваме подароците од нејзината листа", изјавиле Остинови.
