Музичкиот портал NME објавил листа на пејачи кои ги сакаме и цениме, но „не гледаме дека всушност не знаат да пеат“.

„Зошто Том Вејтс, кој звучи како пијан кловн, го сметаат за фантастичен уметник?“

Оваа прашање го поставил новинарот од музичкиот портал, кој донесува листа на десет најлоши пејачи на сите времиња. Идејата која лежи зад оваа листа е: Што би било кога сите овие пејачи само би ги слушале? Вистински би ги слушале?

На прво место се наоѓа легендарниот Боб Дилан. „Кога правосмукалката од ‘Телетабиси’ би се расипала, би звучела како Боб Дилан“, пишува Приј Елан. „Правосмукалката“ го следи кралот на попот, Мајкл Џексон.

„На почетокот на кариерата, кога беше дете, Мајкл звучеше среќно. Како што поминуваше времето, неговиот глас стана полн со луди тикови, подвикнувања и звучеше како исплашено момче-маж кој се качува по мрачни скали...“

Третото место го зазеде фронтменот на бендот Offspring Dexter Holand - „неподносливо“, четвртото Џејмс Волш од составот Starsailors кој „звучи како да треба да заплаче“, а на петтото Дафи, чиј глас го опиша како „Луле кое некој го напикал во шише од ‘аква либра’ откако се наголтала хелиум од Барби балон“.

Во десетте најлоши се пласираа и Марк Нофлер или „Џереми Кларксон под локална анастезија“, Били Корган „перверзник кој дише на телефон“, Хедел Смол, Ијан Броуди „вистинскиот пејач бил зафатен, па го повикале сметководителот“ и Ејми Ли од бендот Еванесенс „жена која влегла во продавница за гот-облека и решила да стане дел од метал бенд за зафрканција“.