Иако џвакањето е забрането во училиште, истражувањата на американските научници покажуваат дека наставниците треба да ги охрабруваат учениците да џвакаат мастика во класот, бидејќи тоа го подобрува нивното претставување на тестови и испити...

Истражувачите од универзитетот Сент Лоренс во Кантен, во државата Њујорк, открија дека учениците кои џвакаат мастика пет минути пред испит, добиваат подобри оценки од оние кои не џвакаат.

Подобрувањето се должи на будењето предизвикано од џвакањето што трае до 20 минути, утврдиле психолозите.

Претходните истражувања покажале дека секоја физичка активност ја подобрува работата на мозокот, но оваа студија докажува дека дури и со минимална физичка активност може да се постигне истиот ефект.

За целите на истражување научниците ги анализирале последиците од џвакањето на мастика кај 80 ученици.

Половина ученици добиле мастика, со шеќер и без шеќер, и треба да ја џвакаат пред или за време на испит. Потоа учениците биле подложени на серија од когнитивни тестови, како повторување на произволни бројки назад напред и решавање на логички задачи. Потоа резултатите биле споредени со оние на учесниците кои не добиле мастика.

Учениците кои џвакале мастика пет минути пред испит добиле подобри резултати, а џвакањето за време на испит го имало спротивниот ефект, бидејќи со џвакањето го расејуваат мозокот од главната задача.