Пензионерот Мајк Зон од Лас Вегас матурирал на 90 години, докажувајќи дека за училиште никогаш не е доцна.

Ветеранот од Втората светска војна завршил само основно училиште. Во животот работел разни работи, отишол во пензија и веројатно никогаш не би ни помислил на продолжување на школувањето ако не го поттикнал неговиот внук Метју.

Но, без разлика на годините и работниот стаж, деведесетгодишниот старец не му било ни малку лесно да дојде до дипломата. На стариот Мајк најмногу маки и проблеми му создавала математиката. Од тој предмет морал да зема и дополнителни часови.

„Се надевам дека мојот успех ќе биде инспирација за младите да го продолжат школувањето. Без диплома денеска сте никој и ништо“, изјави најстариот матурант на светот.