Сајтот BeautifulPeople.com започнал необична хуманитарна акција.

Сајтот за запознавање BeautifulPeople.com, организирал хуманитарна акција - состанок со „родителите на Исус“, Марија и Јосиф.

Својата аукција ја поставиле на сајтот eBay, кој набргу ја отстранил поради проблематичните фотографии на кои овој хуманитарен гест потсетува на „сцена за возрасни“.

На сликата се гледа „Марија“ (Хедер Сејшел) со длабоко деклоте како се потпира на „мажот Јосиф“ (Дорион Ренод).

„Немам дечко и се приклучив на сајтот за да пронајдам дечко“, рече обдарената „мајка божја“, додека директорот на сајтот за запознавање Грег Хоџ рече дека е „глупаво што eBay ја тргнал аукцијата од сајтот“, посебно затоа што собраните пари ќе оделе во хуманитарни цели.

Иако е отстранета од eBay, аукцијата не е прекината, така што добитниците на состанокот со „Марија и Јосиф“ ќе бидат познати на 5 јануари 2012 година.