Поради потрага за одамна "изгубеното" дело на славниот сликар, научниците оштетиле едно друго вредно уметничко дело, но сликата на Да Винчи не ја нашле...

Италијанската полиција започна истрага во Палацио Векио во Фиренца, со цел да се утврди дали истражувачите оштетиле слика на италијанскиот сликар Џоџро Вазари, насликана на ѕидот, во обид зад неа да ја најдат фреската на Леонардо да Винчи.

"Полицијата беше во палатата Векио, изврши проверка на сликата на Вазари и разговара со реставраторите", рекол портпаролот на општината Марко Анјолети.

Професор по историја на уметноста на универзитетот во Сан Диего, Мурицио Серачини бил раководител на тој проект, чија цел била да се пронајде фреската од познатиот сликар, вајар и архитект, Леонардо да Винчи.

Полицијата ја започнала истрагата под сомнение дека научниците направиле дупка во сликата на Вазари, за да стават во неа микро камери и да утврдат дали е точна теоријата на професорот Серачини.

Серачини верува дека Вазари својата слика "Битката на Марчана" ја насликал преку фреската на Леонардо да Винчи "битката кај Ангијарија" на која трагата и се губи кон крајот на 16-ти век.

Американскиот магазин "National Geographic" уложил 250 илјади долари во проект за потрагата на Да Винчи.