Децата уште во најмала возраст учат врз основа на искуството кому да му веруваат, а кому не, па многу од нив еднаш ќе наседнат на некој трик на возрасните, но тоа нема да им се повтори, утврдиле канадските професионалци од универзитетот Конкордија, Монтреал.

Иако вообичаено ги имитираат гласовите, изразот на лицето или постапките на возрасните, децата на возраст од тринаесет до шеснаесет месеци често тоа нема да го прават доколку е во прашање личност која претходно ги измамила, утврдил канадскиот тим, кој го раководела психологот доктор Дијан Пулен-Дибуа.

Демонстратори пред децата од наведената возраст ѕиркале во кутии со израз на возбудување на лицето, а потоа и децата биле повикувани да погледнат внатре. Во некои кутии навистина имало играчки, но некои други биле празни.

Потоа истите демонстратори го палеле осветлувањето притискајќи го прекинувачот со челото, а не со раката. Кога и децата биле повикани да го повторат тоа, само 34% го имитирале човекот кој претходно ги „излажал“, додека тоа го сториле 61% од малите чии демонстратори во претходната задача се покажале како безбедни.